貴緣小鍋米線 (崇潔街) (已結業)

一直都好鐘意食貴緣，每次行過附近都會黎食。但今日食完，真係好失望，唔會再返轉頭。首先，落左order之後仲要等半個鐘。其次，估唔到餸份量少左，湯底同以前既好唔同，入面冇晒花椒之類既湯料，螺旋藻都唔似係真正既螺旋藻。至於秘製腩肉，冇辣味之餘係幾塊打邊爐既豬腩片咁。一路食既時候，冇果種會繼續想食既感覺，反而越食越口乾。如果一間小店一直以社交媒體網站介紹黎維持餐廳既熱度，而食物質素同以前唔同既話，大家就諗下仲要唔要黎食。