荃灣鍋貼大王 (已結業)

數年前喺附近返工，經常都會食嘅小店，今日路過再黎食碗粉仔，鍋貼，豆漿。兒時粉仔係我至愛，當年屋邨自家製推車仔喺樓度買（真係自己屋企度製作）而買粉仔的正正同我住同一層，所以每次都食到最新鮮熱辣嘅粉仔，十分懷念，哩間有7成接近當年嘅口味，可惜唔係每次水準都保持得到，但比起較出名嘅某某狗仔粉啱我口味，而且價錢都差好遠，今次都保持到水準，煎鍋貼都唔錯，唔可以話好好食，但18蚊5 隻嘅價錢已經相當唔錯，豆漿咪豆漿囉，無咩好講啦😂而哩度啲上海麵係用粗麵，我個人比較喜歡食幼，都係哩個價錢我覺得都好OK。