好媽媽台灣館 (已結業)

今日執執下相，先諗起前排去過呢間台灣野，台味十足，值得記低佢。呢間小店0係太子，門面都唔算太起眼，一入到去就別有一番洞天。裝修走溫馨路線，好有台灣民宿既感覺，周圍都係好媽媽既ICON，幾有意思。睇睇餐牌，選擇唔太多，都係台灣地道家常小茶，但價錢係非常親民的，當中套餐特別抵食。我同老公叫左四樣野食：三杯雞、滷肉飯、苦瓜湯同牛肉面。＜＜苦瓜湯＞＞＄２８苦瓜湯原盎上，可以保持溫度，係有誠意既表現。湯料見到一舊舊大大舊苦瓜，配唔少雞肉，好足料。味道方面，清新微甘，有少少肉香，一Ｄ都唔苦，確實有飲緊媽媽靚湯既感覺。＜＜三杯雞＞＞＄６９台式既三杯雞同中菜既三杯雞有少少唔同，台式三杯雞相對無甘重口味。少左辣味，多左酸味。酸酸甜甜，配埋香茹，味道好有層次。呢個套餐仲有送一碟青菜，好健康。＜＜滷肉飯＞＞＄２３簡簡單單既滷肉飯，係同老公去旅行時佢既最愛。好媽媽既滷肉飯有滿滿既滷肉同香油鋪滿飯面，老公都好滿意。＜＜牛肉面＞＞＄６８老公鍾意食滷肉飯，而我最掛住既就係台灣既牛肉面，食台灣野當然要叫一碗啦！上台時熱辣辣，香氣湧過黎。試一啖湯底，不得了喇！湯底十足台灣味道，除左肉香，會有少少藥材味。而面條方面，粗幼