Seoul Noodles

營業中

休息中

社交媒體網站經常都有foodie推介呢間韓國刀削麵，睇啲相幾吸引好似幾好味，所以就去咗試。當時傍晚六點左右唔需要排隊直接入，冇幾耐就超多人排隊，因為好多人食，餐廳到門係咁開係咁閂走晒啲冷氣。本身間餐廳冷氣已經開得唔夠唔通風，啲位又迫，基本上同隔離嘅人冇咩距離，就連斟水都要好小心，成餐飯就同人逼住好辛苦咁樣食，夏天去食會熱到爆。嘢食方面，我哋叫咗兩個套餐，牛骨湯麵同雞湯麵，牛骨湯麵係冇咩味，雞湯麵會比較好食，起碼有雞湯嘅鮮味。餐廳嘅配菜都一般，只係得泡菜同蘿蔔，本身以為韓國人開嘅餐廳泡菜應該都唔會難食，呢間泡菜係我食過最難食嘅泡菜，味道有啲怪，成餐飯最正常就係紫菜飯卷。唔會推薦呢間餐廳亦都唔會回頭，如果唔洗排隊都可以試吓，要排隊就不了。