乃良咖啡 (已結業)

乃良本來係我屋企附近最鍾意去嘅Cafe。基本上我叫過嘅嘢都好好食，feel 到廚師好有Heart 去做。今日再去發現轉咗menu，多咗啲台式滷肉飯，中式小食。再入去見到廚房轉咗人，問佢哋就話間鋪冇轉手只係轉咗menu所以本來都冇咩期望。但係嘢食到咗之後變左完全失望。All day breakfast 嘅炒蛋變咗茶餐廳奄列樣嘅蛋，焗番茄變咗白烚就咁切開放上碟，大啡菇裡面炒嘅菇碎又超咸，兩條腸好明顯係為咗慳時間開邊求其煎兩下上碟。叫個黑松露扁意粉冇應有嘅味之餘仲要煮太熟有港式意粉口感…唯一同以前冇咩分別嘅係兩杯coffee. 我建議如果新廚師係比較擅長台菜中菜的話不如完全轉型做滷肉飯x咖啡…唔好將以前上手做得好嘅西式menu做得咁差。