蓮香居 (已結業)

夏日炎炎，想同朋友飲下茶，嘆下點心，就黎到呢間懷舊茶樓喇！下午兩點幾嚟到呢到，上去二樓，平日呢啲時間黎到即時有位啦🤙🏻 首先叫左壺香片啦，水滾茶靚又解渴呀果然嚟飲茶梗係要食點心啦，呢到仲有阿姐推點心車架～實在好懷舊呀叫左棉花雞，蝦餃，瑤柱燒賣，豬膶燒賣，金錢雞，叉燒包，仲有時令既蝦子柚皮棉花雞呀蝦餃呀都不過不失啦，叉燒包都幾香又鬆軟架！瑤柱燒賣上面有啲瑤柱絲，食落口有淡淡既瑤柱香，燒賣口感香軟豬膶燒賣賣相就一pat野咁，不過豬膶就林而有膶香，肉味鮮軟！金錢雞呢個名菜就緊係要試一試啦，呢碟最緊要趁熱食呀！如果唔係啲豬油就會琼晒架喇！上層係雞肝中間瘦叉燒下層係肥豬肉，一口咬落去有三層口感，肥豬肉爽口，油而不膩，叉燒香而不韌，雞肝都好鬆軟，值得一試壓軸就係蝦子柚皮，香軟林林既柚子皮配上蝦子香味既汁，夠入味....係個人覺得稍為鹹左少少啦整體都唔錯丫，下午茶同朋友黎呢到吹吹水都幾好架！三個人食左三百蚊到啦～算係咁喇！