影片
更多
2006-08-21
33 瀏覽
小時候住在三聖, 常常去容龍別墅打千揪同影相, 今次再去懷舊一番!順道慶祝阿哥生日!先去三聖買海鮮, 之後再上去酒樓整兼加料, 買料用左$930, (預料之內!同流浮山差不多!) 1)芝士焗開邊龍蝦好有驚喜, 因為我唔知道原來呢間酒樓最出名之菜式,當阿哥落order點整海鮮時, 佢\叫用芝士焗, 咁我以為係普通酒樓方式, 一層類似白汁咁o既煮法, 但當上前, 每人一set刀, 我仲話使唔使誇張! 原來一d都唔誇, 好似係酒店食法咁, 龍蝦上時, 整整齊齊一半半分開晒, 每半隻面上都舖了一層焗到金黃色o既芝士脆面, (食落有點像kfc o既巴辣香雞奕層脆皮!) 好香好有口感, 脆卜卜!好正!2)椒鹽瀨尿蝦炸後依然有肉汁, 滑lu lu! 辣度適中, 都幾香口! 唔錯!3)粉絲蒸帶子略為失望, 唔知係咪食唔切d, 碟上後隔了一陣才食, 沒有了那份熱騰騰的感覺, 又不知是否大廚忘了落熟油及豉油, 還是特登想原汁原味(?!)味道淡了, 帶不出了帶子的鮮味!4)海鮮什錦湯我見都有一煲(真係屋企用o黎煲湯的\"梯\"煲!原煲上, 不是一窩!)裏面有魚(唔知咩魚, 海鮮檔送o既!)另外酒樓再加小唐菜
先去三聖買海鮮, 之後再上去酒樓整兼加料, 買料用左$930, (預料之內!同流浮山差不多!)
1)芝士焗開邊龍蝦
好有驚喜, 因為我唔知道原來呢間酒樓最出名之菜式,當阿哥落order點整海鮮時, 佢\叫用芝士焗, 咁我以為係普通酒樓方式, 一層類似白汁咁o既煮法, 但當上前, 每人一set刀, 我仲話使唔使誇張! 原來一d都唔誇, 好似係酒店食法咁, 龍蝦上時, 整整齊齊一半半分開晒, 每半隻面上都舖了一層焗到金黃色o既芝士脆面, (食落有點像kfc o既巴辣香雞奕層脆皮!) 好香好有口感, 脆卜卜!好正!
2)椒鹽瀨尿蝦
炸後依然有肉汁, 滑lu lu! 辣度適中, 都幾香口! 唔錯!
3)粉絲蒸帶子
略為失望, 唔知係咪食唔切d, 碟上後隔了一陣才食, 沒有了那份熱騰騰的感覺, 又不知是否大廚忘了落熟油及豉油, 還是特登想原汁原味(?!)味道淡了, 帶不出了帶子的鮮味!
4)海鮮什錦湯
我見都有一煲(真係屋企用o黎煲湯的\"梯\"煲!原煲上, 不是一窩!)裏面有魚(唔知咩魚, 海鮮檔送o既!)另外酒樓再加小唐菜, 瀨尿蝦,蜆,豆腐,草菇等等, 好鮮甜, 又夠大煲, 我o地6個人, 每人添了3碗以上!
5)豉汁炒聖子
d聖子好大隻, 好肥美, 炒得夠爽口, d豉汁味道適中, 合格!
6)清蒸石頭魚
呢條魚等了好耐, 可能客人多, 廚房做唔切, 但上時新鮮滾熱辣, 肉質鮮甜, 蒸得剛剛好, 唔老! 好味! 我o地食到連碟上的魚骨也沒有得剩, 全碟清晒!
另外我o地係酒樓另加一碟楊洲炒飯及腐乳炒通菜, 炒飯落足料,有新鮮大蝦切粒, 飯也炒得乾身, 好味, 通菜也ok, 略嫌還有一舊腐乳沒有攪爛, 原整一舊上碟! 哈哈!
飯後有紅豆沙及生奉送, (難得星期日都有得送!)實在覺得太完滿啦!
不過, 埋單找數都破金, 誠為$890! 如果以呢個價錢, 我還是選擇實際的流浮山小菜館夠風味吧! (流浮山菜館加料連炒飯炒菜, 都只是二百多三百元!)
張貼