紫荊閣海鮮酒家 (已結業)

跟太座一家來個晚飯，主要在order幾個懷舊菜食食...自己今次已經係第二次來訪，反而太座竟然來得比我多，少見...上次冇食過嘅燒雞肝，今次可以試吓。質地頗"粉"，蜜味夠，實在係送酒恩物，不期然大口大口啤酒送下...再來個懷舊之作鴨掌包。各位食家已闡述過，在此不加贅述。是夜食到嘅水準亦可保持，只稱嫌醬塗得不夠，不夠過癮...第三擊亦係之前未有試過嘅焗魚腸。一試下覺得相當不錯--- 魚腸肥美帶甘味，一D異味都食唔出，油水亦夠，雖然雞蛋有一點過老，但整體水準絕對吃得過，比從前嘅神燈及深水埗排檔強記都要更出色...生炒骨肉不算炸得特別香脆，亦做不到掛醬效果，不夠水準...其餘嘅水準都尚算平均...始終做懷舊菜，對小弟而言，都係有一定吸引力。價錢又不太貴，總好過浪費時間响D下三流嘅酒家...