影片
更多
2018-07-30
1510 瀏覽
早兩日跟埋朋友去港島食私房菜，去到門口睇落又唔似係咁'私' , 後來經理講返呢度係一個老闆既私人飯堂，專招呼自己既朋友同生意上既伙伴，係呢幾年先開放俾街客嚟食，所以係要預約，據說今晚食懷舊菜，每人$390! 我又即管睇下有幾好食先！餐廳佈置都似以前既酒樓格局，但檯唔多，有一張大檯同幾張細檯，當晚都有幾圍食客，我哋都被編埋同其他食客坐一張大檯！菜單事前已經編排好，入面有d菜式因為多功夫，而家都唔係咁易有得食！例如蟹多士，金錢雞，紙包骨等，所以我都好期待今晚呢餐私房宴！先出場既係懷舊3 寶入面順德名菜金錢雞，睇落無咩特別，食落就不得了，3重口感，啖啖滋味！ 面頭有咬口叉燒同最底入口即溶既肥豬肉夾住舊爽口鮮甜唔腥既雞潤，一齊食先過癮，分開食的話可能會覺得平平無奇！食完金錢雞就有 好香口既蜆蚧鯪魚球出場，外皮炸得金黃香脆，鯪魚肉頗有咬口，魚肉味十足！ 其實唔駛點個蜆蚧汁都好好食，當然加埋蜆蚧汁就更惹味！最後一樣懷舊3 寶入面既菜式就係呢個蟹多士，外皮炸得鬆脆唔油膩，入面既蟹肉鮮甜多汁又煙韌！同外皮既香脆相映成趣！ 食完懷舊3寶，跟住有古早錦鹵雲吞，雲吞做得皮薄鬆化，重點係個醬汁，用上尤魚，
餐廳佈置都似以前既酒樓格局，但檯唔多，有一張大檯同幾張細檯，當晚都有幾圍食客，我哋都被編埋同其他食客坐一張大檯！
菜單事前已經編排好，入面有d菜式因為多功夫，而家都唔係咁易有得食！例如蟹多士，金錢雞，紙包骨等，所以我都好期待今晚呢餐私房宴！
先出場既係懷舊3 寶入面順德名菜金錢雞，睇落無咩特別，食落就不得了，3重口感，啖啖滋味！ 面頭有咬口叉燒同最底入口即溶既肥豬肉夾住舊爽口鮮甜唔腥既雞潤，一齊食先過癮，分開食的話可能會覺得平平無奇！
食完金錢雞就有 好香口既蜆蚧鯪魚球出場，外皮炸得金黃香脆，鯪魚肉頗有咬口，魚肉味十足！ 其實唔駛點個蜆蚧汁都好好食，當然加埋蜆蚧汁就更惹味！
最後一樣懷舊3 寶入面既菜式就係呢個蟹多士，外皮炸得鬆脆唔油膩，入面既蟹肉鮮甜多汁又煙韌！同外皮既香脆相映成趣！
蟹多士
35 瀏覽
0 讚好
0 留言
食完懷舊3寶，跟住有古早錦鹵雲吞，雲吞做得皮薄鬆化，重點係個醬汁，用上尤魚，豬潤， 叉燒等配料做成，味道鮮甜，唔係糖造出嚟嗰種甜，係嚟自食材既甜，加上鬆化既雲吞由咸變甜，令口感變得有層次！
食完d煎炸野，嗎呢個時候有個火喉十足，燉上4 小時既八寶冬瓜盅俾我哋潤下喉嚨，等我哋可以繼續食好西！冬瓜盅用料十足，有蝦，蟹肉等，重點係金華火腿既咸香味，令個湯除左鮮甜外，仲帶點咸香！
上八珍扒大鴨，呢個菜真係好耐無見過，功夫甚多，鴨殼醃好再用慢火燜，燜完再去骨，面頭鋪上各種名貴食材如海參，東菇，蝦，瑤柱等，鴨肉做得軟稔，都幾香，唔會太膻！
食完鴨有2 度自選菜式，首先是香脆既琵琶豆腐，外脆內軟，賣相吸引，唔油膩！魚肉香豆腐滑，好食！
而另一個自選菜係今晚我最喜歡既菜式，大良炒鮮奶，看似是賽螃蟹，食落原來別有洞天，香滑蛋花包著蟹肉再有陣陣鮮奶甜味，相信廚師控制火喉既功夫真係好好，先可以整到咁滑漏！
陸氏炒飯，據說係為呢間餐廳老闆而設既炒飯，以蝦乾為主要靈魂，配料顏色令到個飯既賣相幾吸引！
食左咁多野，終於食到最後既甜品焗西米布甸，熱辣辣出爐，呢個係我細個去酒樓先會食到既菜式，估唔到呢度會重遇返，面頭焗得有點像焦糖的味道，入面既西米都幾嫩滑，有d似熱左既蛋糕，蛋香味十足！真係好邪惡既，如果唔係食到飽，真係想食多件
今晚呢餐比預期豐富，食到飽飽！以$390可以重遇小時候既菜式，非常滿足
張貼
