女人街食飯公司

營業中

休息中

留意到通菜街裡面其實好多食市，今日去開旺角決定搵間試下，行經見到威達商業大廈，見到一間幾有特式既飯店叫“女人街食飯公司”決定入去試下。大排檔既裝修，懷舊既佈置，好似去返80年代既飯店，巧有Feel。菜式多選擇，望下隔離枱碟碟都唔錯，我地諗咗好耐先落到單，落單個姐姐都好好人。屋村三鮮 （生腸、鴨腎和墨魚）$78 - 好懷舊既感覺，三樣野口感都好爽，個豉油明顯經師傅秘方調過，送酒必食推介。晚市必食三寶 $468 - 有半隻招牌瑤柱走地雞、啫啫老虎班腩煲和金沙脆鮮魷。走地雞超滑，有瑤柱碎及香口蒜粒，食落口感唔錯，仲配有泰式辣醬可以點，有多重口味既食法。老虎班煲就有大大隻蝦乾同蒜粒，超香口。上枱熱辣辣，老虎班嫰滑，好食。金沙脆鮮魷其實係黃金鮮魷，有鹹蛋加持，特別好食。炸漿仲好薄，唔會成口粉漿，炸得好脆，外脆內軟。士多啤梨骨$108 - 醬汁沾滿腩排，酸酸甜甜係幾開胃既。清炒時蔬$78 - 多種蔬菜選擇，落單姐姐會推介，我地叫咗蒜蓉通菜，都好夠鑊氣，師傅炒得唔錯。