海安咖啡室 (已結業)

今日中午去左呢間咖啡室食，超級有驚喜！！！🤩唔好睇佢舖面咁舊，入面食物又好食仲要唔貴啊！🤩🤩🤩我叫左沙嗲鮮牛肉蛋麵（唔記得左影相😆）牛肉好入味，而且仲加左碎花生醬沙嗲湯底，好高質😋😋仲試左佢既推介必食 香蔥碎牛炒蛋厚多士🍞 超正🤤🤤多士夠哂脆卜卜，同碎牛炒蛋好夾啊！野飲出名紅豆冰一定要試，我揀左牛奶底，仲可以試奶茶底～好特別！😋呢間咖啡室係60年前已經一直做到今日，店舖附近既建築物都已經重建翻新，但佢依然保留傳統店舖面貌，係真正既懷舊咖啡室！🤙🏻