名門私房菜

營業中

休息中

這間私房菜酒家位於灣仔廳房佈置清雅, 環境舒適自在, 主打海鮮, 海味和順德菜, 可以吃到懷舊嘅菜式。花膠響螺瘦肉湯花膠厚滑, 湯底清甜, 膠質好豐富, 響螺片腍滑。冰鎮鮑魚 配秘製山葵醬汁賣相吸引, 原隻新鮮鮑魚, 以新鮮蔬菜伴碟托底, 肉質厚滑, 點配特製醬汁, 更為鮮美。大蝦配煎米粉餅底口感幾特別, 煎米粉餅好香脆鬆化, 沾滿薑葱醬汁, 米粉好爽彈, 大蝦爽脆彈牙。煎釀鯪魚魚皮煎得香脆, 鯪魚肉爽脆, 沾有豆豉醬汁, 吃起來好滋味。鮑汁蝦子柚皮呢個餸都幾好功夫, 柚皮完全冇苦澀味, 肉質好腍滑, 加上香口嘅蝦子, 吸收咗濃郁嘅鮑魚鮮汁, 味道好有層次。XO醬炒飯原煲熱辣辣, 飯粒炒得好乾身, 配料都幾多, 叉燒, 蔥粒等, 加上xo醬辣辣地, 惹味又唔油膩。上湯芥菜蝦干魚肚食完較濃味嘅餸菜, 這道較清淡嘅上湯菜式就相當合適, 芥菜好清甜, 魚肚又爽脆。