小時光 (已結業)

觀塘呢間小時光係工廠大廈入面，位置入口都比較難搵。不過終於比我地搵到佢嘅入口，呢間餐廳係全自助式，入到去係自己搵位坐，落單都係自己行去收銀嗰度買飛。呢度主打台式便當同埋台式飲品，環境佈置得好似一間課室，啲枱燈好矮，令人有返小學嘅感覺！之後揀咗個夜市香酥雞便當，飲品揀左美祿恐龍。個香酥雞便當冇乜特別，感覺上佢個雞扒係一早炸定，因為上枱嘅時候好淋，反而個美祿恐龍幾好飲同埋幾得意！有一樣野唔好係佢冇套餐，嘢飲係要另外叫。