海安咖啡室 (已結業)

近年越黎越多冰室係香港湧現，但好多比人都係茶餐廳既感覺，傳統既冰室真係買少見少，今日就專程去到上環，去到一間擁有超過50年歷史嘅真。冰室!鍋仔公司麵平時餐廳都係用普通碗去裝住D麵，但呢個招牌公司麵係用鍋仔黎上，睇落都高檔D，而配菜方面就有鮮牛肉、餐肉、腸仔、雞蛋、五香肉丁同鴨胸(本身係叉燒，可惜我比較遲去到，結果賣晒得返鴨胸…都好嘅，可以比個籍口再黎海安ENCORE!) 雖然係五香肉丁湯底，但唔係太辣，食落好香口，同埋唔單只係料多，D麵都好多，基本上男仔去食都可以食到飽!常餐B炒蛋餐肉脆豬+奶茶本身諗住ORDER炒蛋餐肉餐包，但環顧四周，個個都食脆豬，我就梗係唔執輸，轉軚! 好快我就見到熱辣辣既炒蛋餐肉脆豬，外面既脆豬真係脆到冇得輸，裡面炒蛋加埋厚身嘅餐肉亦比到人一個滿足嘅感覺，呢個決定係冇做錯! 再配埋杯香滑奶茶，正!