源記甜品專家 (已結業)

好多甜品店都又中又西，但係呢間就淨賣幾樣中式甜品，以桑寄生、蓮子、合桃、蛋等為主。一個人點咗呢隻茶：好少食呢啲嘢，唔係太識比較。此茶甜度甚高，桑寄生本身其實幾有香味，不過有少少被甜味蓋過。蓮子做得幾好，唔會太淋，粒粒都有得俾你咬下。雞蛋極為入味，口感亦非常好。佢有雙蛋嘅選擇，咬咗隻蛋一啖之後，即時後悔冇叫雙蛋。結論：傳統甜品，值得一嘗！