影片
更多
2023-07-23
2923 瀏覽
好耐無嚟食，經過佐敦特登再去，「醉瓊樓」係出名客家老店，開業至今60年，店舖內裝修陳設、老伙記服飾同人情味依然，一推門入去回憶感覺返晒嚟。✥正宗鹽焗雞 (半隻) $160係用新鮮雞炮製，食出嚟同冰鮮雞嘅味道同口感好唔同，雞嘅鮮味好濃，雞皮嫩滑有啫喱狀，無多餘脂肪，肉質緊致有彈性。鹽焗夠鹹香，但又唔會蓋過雞嘅鮮味，蘸沙薑汁真係一流，有晒嗰隻傳統懷舊嘅味道。✥酥炸脆大腸 $110都幾大碟，客家式嘅長方形嘅切法，炸得酥脆香口，夾雜油香，唔會炸到乾晒，醃製白蘿蔔墊底，蘸糖醋汁，食到傳統嘅味道。✥胡椒白果豬肚湯 $100出嚟食飯梗係飲啲功夫多嘅湯，因為自己喺屋企比較難煲到。盅上熱辣辣，奶白色，腐竹味超濃郁，溶晒喺個湯裏面，放喺度一陣湯面已起咗塊腐皮，胡椒味香，喺個口腔裏面慢慢擴散，廚師用新鮮豬肚啤水處理，無異味同雪藏味，食到豬肚好爽口彈牙，仲好多白果，值得推介。✥綠豆沙送上飯後甜品，綠豆沙濃郁、低甜。#醉瓊樓飯店地址：佐敦西貢街7號地下
正宗鹽焗雞
118 瀏覽
1 讚好
0 留言
✥正宗鹽焗雞 (半隻) $160係用新鮮雞炮製，食出嚟同冰鮮雞嘅味道同口感好唔同，雞嘅鮮味好濃，雞皮嫩滑有啫喱狀，無多餘脂肪，肉質緊致有彈性。鹽焗夠鹹香，但又唔會蓋過雞嘅鮮味，蘸沙薑汁真係一流，有晒嗰隻傳統懷舊嘅味道。
酥炸脆大腸
70 瀏覽
0 讚好
0 留言
✥酥炸脆大腸 $110都幾大碟，客家式嘅長方形嘅切法，炸得酥脆香口，夾雜油香，唔會炸到乾晒，醃製白蘿蔔墊底，蘸糖醋汁，食到傳統嘅味道。
胡椒白果豬肚湯
92 瀏覽
0 讚好
0 留言
出嚟食飯梗係飲啲功夫多嘅湯，因為自己喺屋企比較難煲到。盅上熱辣辣，奶白色，腐竹味超濃郁，溶晒喺個湯裏面，放喺度一陣湯面已起咗塊腐皮，胡椒味香，喺個口腔裏面慢慢擴散，廚師用新鮮豬肚啤水處理，無異味同雪藏味，食到豬肚好爽口彈牙，仲好多白果，值得推介。
綠豆沙
132 瀏覽
0 讚好
0 留言
送上飯後甜品，綠豆沙濃郁、低甜。
#醉瓊樓飯店地址：佐敦西貢街7號地下
張貼
