粵來順 (已結業)

今晚約了朋友去旺角食晚飯，有新發現！一走入間店鋪，就好像搭上時光機，返到六七十年代嘅酒家。再睇餐牌，正！竟然有兒時的家常餸菜，好親切（當然亦有大酒家的菜式）。一見到有生磨杏汁白肺湯，已經二話不說就點這個湯，因為不是每間酒家都會做的。湯來到，不負所望，杏汁味香濃，但很清，而且好滑，相信應該濾了多次才可以做到這樣滑而清的效果。跟住我們再來一個咕嚕肉，係人都知這是看似簡單，但要做好卻考技巧的菜式。食落去，跟個湯一樣，真功夫！粉漿唔厚，脆口，啖啖肉，正！之後黎碟「千絲芝心球」，講真這原不是我們點的菜式，因為擔心會好膩，但店員推介，最後我們都選了！無介紹錯！乾身，不會感到油膩，脆口，但不會感到（被面的千絲）'吉'口，跟住會食到蝦膠那種彈口，再到份量適中的流心芝士。口感豐富的餸菜！我們還點了「金勾銀柳」（炒粉絲）和沙薑雞煲，原來這兩個是這裏主廚撚手小菜。食落都覺得幾神奇，那個炒粉除了可以做到高水準-乾身、唔會零碎外，味道好均勻佈滿粉絲，另外，它的配料絕不馬虎，用料足，當中我好欣賞那魚鬆代替肉絲，更見心機！沙薑雞煲好野味，他用了鮮沙薑烹調，與平時用沙薑粉完全不同，有種淡淡嘅沙薑味道