林園餐廳

營業中

休息中

再一次去富山工作，朝早想食飽個肚就開行turbo做，於是就搵咗呢間好就腳嘅餐廳食個大早餐，睇呢度嘅裝修同氛圍，十足十係一間冰室，再加上木皮包嘅牆壁，仲有深綠色嘅卡位，成件事懷舊到不得了。早餐揀咗叉燒公仔麵配蛋治，叉燒有大約六塊，相信係攞貨返嚟，好彩處理得幾好，溫度同味道都正常（因為最怕食到凍冰冰嘅擦紙膠叉燒），麵冇乜特別，湯唔會過鹹，全份嘅蛋治，啱晒我填肚，蛋香雖然唔明顯，但勝在麵包夠鬆軟，正👍🏻懷舊嘅唔止呢間餐廳，亦係成條邨（同我老家九成似），懷舊真係要趁個「舊」仲喺度時就找緊時間去「懷」先得架。