影片
更多
2021-11-27
1835 瀏覽
📍 叁去壹點心粉麵飯有日睇到關於佢哋嘅報導，見到呢到嘅師傅幾十年嚟專心手造點心，幾乎風雨不改咁由凌晨4點已經準備開舖到2點半閂門，呢種堅持手造點心店已經買少見少，今日難得過海就去試下🍽食物：呢到嘅點心大多數都係18蚊一籠，而且賣曬就唔會再整，貴客明日請早✨鮮蝦餃 $18餃皮好薄而且煙韌，細細粒可以一口一粒，而且蝦肉好爽口，唔係好似其他酒樓用好多豬肉撈埋做餡，最後encore左😂👍🏻蟹王燒賣 $18餡都係好平實嘅瘦肉，冇蝦同豬肉嘅肥膩👉🏻醬汁鳳爪 $18燜到好淋而且鳳爪好入味，但係略嫌醬汁甜左啲👍🏻鮮竹牛肉 $18師傅每日手攬牛肉整嘅牛肉球，冇陳皮芫茜味，岩我呢啲唔好芫茜嘅人🤣雖然簡單但係味道唔錯👉🏻潮州粉果 $18皮唔太厚都好煙韌，餡有沙葛花生豬肉，味道正常冇乜特別👍🏻糯米雞 $24好大隻糯米雞，啲飯有荷葉香，餡有叉燒半隻雞翼同埋有D肉粒，不過因為飯比較多而顯得啲餡唔夠，食曬成個已經好飽茗茶$4/位⛩環境：👍🏻見到好多相熟食客同員工都好老友，大家有講有笑，呢種氛圍真係好少係而家嘅舖頭入面見到👎🏻其實都預左佢嘅衛生情況同環境係點，預左唔會坐得好舒服，只不過小店係賣緊呢個價錢，都冇得要求咁
有日睇到關於佢哋嘅報導，見到呢到嘅師傅幾十年嚟專心手造點心，幾乎風雨不改咁由凌晨4點已經準備開舖到2點半閂門，呢種堅持手造點心店已經買少見少，今日難得過海就去試下
🍽食物：
呢到嘅點心大多數都係18蚊一籠，而且賣曬就唔會再整，貴客明日請早
✨鮮蝦餃 $18
餃皮好薄而且煙韌，細細粒可以一口一粒，而且蝦肉好爽口，唔係好似其他酒樓用好多豬肉撈埋做餡，最後encore左😂
👍🏻蟹王燒賣 $18
餡都係好平實嘅瘦肉，冇蝦同豬肉嘅肥膩
👉🏻醬汁鳳爪 $18
燜到好淋而且鳳爪好入味，但係略嫌醬汁甜左啲
👍🏻鮮竹牛肉 $18
師傅每日手攬牛肉整嘅牛肉球，冇陳皮芫茜味，岩我呢啲唔好芫茜嘅人🤣雖然簡單但係味道唔錯
👉🏻潮州粉果 $18
皮唔太厚都好煙韌，餡有沙葛花生豬肉，味道正常冇乜特別
👍🏻糯米雞 $24
好大隻糯米雞，啲飯有荷葉香，餡有叉燒半隻雞翼同埋有D肉粒，不過因為飯比較多而顯得啲餡唔夠，食曬成個已經好飽
茗茶$4/位
⛩環境：
👍🏻見到好多相熟食客同員工都好老友，大家有講有笑，呢種氛圍真係好少係而家嘅舖頭入面見到
👎🏻其實都預左佢嘅衛生情況同環境係點，預左唔會坐得好舒服，只不過小店係賣緊呢個價錢，都冇得要求咁多
💁🏼♀️服務：
👍🏻員工有禮，落單個時會問埋客人點稱呼，有舊時個種想同客人營造更親近關係嘅感覺，
👎🏻但有時都有漏單嘅情況出現😂如果嗌左嘅嘢食好耐都唔嚟就要追下單
👎🏻排隊情況有啲混亂，排隊唔洗攞籌，但係有人又會係另一邊安排左入座，安排可以做好少少
📝總評：7/10
✨呢道嘅食物好平實簡單，冇特別嘅花巧，完全係食緊師傅嘅心機同懷舊嘅氛圍
我哋當日1點左右嚟到，有好多想食嘅野都賣晒(腸粉、雞紥、鮮竹卷、雞球大包)😂如果想食下次真係要一早嚟。見到附近好多食客都叫左炒野同米粉，但今次因為得兩個人所以食唔到太多野，希望下次都有機會試下。而且舖入面好大個蒸爐，長期係入面做嘢真係好辛苦，所以係絕對respect師傅。
呢啲街坊小店真係買少見少，亦都唔知佢哋幾時會唔做，睇完訪問老師傅話如果冇人傳承佢嘅點心手藝可能就唔做，所以真係要珍惜每一次食到嘅機會。
⏱冇限時
張貼
