榮華冰室 (已結業)

政府將收回3個寮屋區發展，預計2025年展開工程。其中被藍田油塘包圍嘅茶果嶺村，村內有間充滿人情味冰室；人情味不變，可惜難逃時代巨輪小店位於茶果嶺村，隱蔽偏僻；1962年開業，已有61年歷史；店內播放著80年代歌曲，好有感覺；牆上有手寫餐單及手寫字句，昔日家人同名人照片，泛黃嘅上海海報，二手入榫木製卡位，天花大吊扇，Pepsi 汽水櫃，鐵信箱... 都係古董都係故事，記載著鏡叔嘅點點滴滴鏡叔係榮華冰室主理人，滿場飛一腳踢，入貨，落單，招呼，出餐，收錢，清理一手包辦；所以食物都以簡單配搭為主，不會太複雜，味道亦係預期內唔會有大驚喜。雖然清拆期將至，鏡叔都堅持每日開鋪，做到最後一日，聽完有點唏噓；又一條建立多年嘅人情村將會成為回憶片段滷雞翼尖電飯飯座熱，煮到腍化，入晒味西多士裡面無夾花生醬，薄薄的加蛋漿炸好落煉奶，切好9件上枱熱奶茶茶底唔錯，用雙喜淡奶，又另一番味道