十下火鍋

唔知由幾時開始 打邊爐已經唔再係冬天既專利 亦唔再係一大班人先可以打邊爐😌 十下火鍋就係一個好例子 呢間係銅鑼灣既火鍋店裝修行懷舊復古風格 播住經典懷舊歌曲 而且係套餐形式既火鍋 唔駛揀咁多野 岩唒我地呢d懶人😂 我地今次去食既就係二人火鍋套餐啦👫二人套餐可以係5個湯底入面揀1個/2個 5款湯底都好吸引 我地就揀左養生白乳豆鍋同滋潤木瓜蕃茄鮮魚湯🤤 豆乳鍋湯底好香藥材味 而我更愛木瓜蕃茄鮮魚湯 好香甜既蕃茄湯 咁落左一大條大魚落去滾湯 有個鍾意食魚嘅男朋友真係好搞笑 店員將滾好左既魚撈上來之後 條魚就比👦🏻食唒😂店員做野勁快手 醬料都未拎完 所以食物已經準備好 送到我地枱面 非常震撼😍 二個人有11碟野食 每款都好精緻 唔好睇佢得幾粒 我地2個人都食唔唒🤭最好食既我地覺得係手切牛肉 好有牛味😋 仲有懷舊果皮魚蛋 宜家真係唔係到到有得食 好香果皮果又彈牙👅 花雕雞都好唔錯 就算浸咗濃濃嘅湯底依然食得出有花雕酒嘅味道 而且雞肉仲真係好嫩滑👍🏻 粟米丸同貢丸都係有餡料嘅 比平時食到既特別🤤套餐仲包括左醬料費同飲品 我地就加左$15要竹蔗茅根 呢個價錢有咁好既環境同食物都係個唔錯既選擇🌟