影片
更多
2021-10-10
74 瀏覽
今日係D2 Place行完街，見呢間餐廳入面好多人係食，就決定係到醫肚，叫左兩份牛扒餐。套餐跟湯，餐包同野飲，紅白湯各一，意想不到白湯係忌廉魚湯，有粒粒魚肉係入面，紅湯就是港式羅宋湯，酸酸甜甜帶少少辣，好多菜，白湯好D。(1) 貴族牛扒 (美國牛肩肉) $188見人地食呢份牛扒幾正就跟住叫，可能因為太大份，要碟上，無得鐵板上，唔係就風味更佳，兩條好厚既牛肩扒，五成熟都剛剛好，切開粉紅色，肉質鮮嫩，睇得到JUICY，牛肉的味道濃郁入口，口感似係出面中高級扒房牛扒，另外有菜，薯塊，翠玉瓜等等配菜。再食另一半個份西冷牛扒，就覺得呢個價錢食到呢d牛排，簡直扺到爛！(2) 西冷牛扒餐 $118西冷牛扒餐，七成熟，配菜有薯條粟米等同，鐵板上Keep住熱辣辣，比貴族牛扒淋身好多，好似以前係港式扒房既牛扒FEEL，呢個餐睇來主要睇抵食夾大件，都係貴族牛扒好食D。整體上兩份鐵板餐性價比高，好大份，餐廳裝修充滿懷舊感覺，坐得幾舒服，下次會再食返貴少少既貴族牛扒，再問問可唔可以鐵板上，建議喜歡淡口一點的朋友可選少汁或汁另上。8點幾走時D見到D2 Place都已經無乜人流，但餐廳外都仲有唔少人等位食，相信呢間
套餐跟湯，餐包同野飲，紅白湯各一，意想不到白湯係忌廉魚湯，有粒粒魚肉係入面，紅湯就是港式羅宋湯，酸酸甜甜帶少少辣，好多菜，白湯好D。
(1) 貴族牛扒 (美國牛肩肉) $188
見人地食呢份牛扒幾正就跟住叫，可能因為太大份，要碟上，無得鐵板上，唔係就風味更佳，兩條好厚既牛肩扒，五成熟都剛剛好，切開粉紅色，肉質鮮嫩，睇得到JUICY，牛肉的味道濃郁入口，口感似係出面中高級扒房牛扒，另外有菜，薯塊，翠玉瓜等等配菜。再食另一半個份西冷牛扒，就覺得呢個價錢食到呢d牛排，簡直扺到爛！
(2) 西冷牛扒餐 $118
西冷牛扒餐，七成熟，配菜有薯條粟米等同，鐵板上Keep住熱辣辣，比貴族牛扒淋身好多，好似以前係港式扒房既牛扒FEEL，呢個餐睇來主要睇抵食夾大件，都係貴族牛扒好食D。
整體上兩份鐵板餐性價比高，好大份，餐廳裝修充滿懷舊感覺，坐得幾舒服，下次會再食返貴少少既貴族牛扒，再問問可唔可以鐵板上，建議喜歡淡口一點的朋友可選少汁或汁另上。
8點幾走時D見到D2 Place都已經無乜人流，但餐廳外都仲有唔少人等位食，相信呢間扒房對附近人士都有唔少吸引力。
人均: $100 - $200
抵食: 💰💰💰💰💰
味道: 😋😋😋😋😋
服務: 💁🏻♀️💁🏻♀️💁🏻♀️💁🏻♀️
環境: 😉😉😉😉😉
張貼
