羅麥記 (已結業)

呢間茶餐廳的menu上唔知點解特別多焗飯，芝士焗又有，白汁焗又有，茄汁焗又有，鴛鴦汁(茄汁和白汁)焗都有。叫了一個窩蛋芝士焗雞皇飯，同埋一個美祿牛奶飽。呢個焗飯賣相就幾靚，不過估唔到咁淡！雖然吃清淡啲係好，但芝士焗飯總應有點濃味或鹹味吧！這是我吃過最淡味的芝士焗飯！啲雞OK，無咩味。原以爲加了隻窩蛋會好味啲，但原來窩蛋味同芝士味是格格不入的！兩者不能調和！窩蛋芝士焗雞皇飯令人失望，但美祿牛奶飽就非常不錯。美祿粉真係好香，粘埋啲煉奶度食，簡直是完美組合。麵包也鬆軟。好有小朋友食品的感覺。