安娜餐廳

營業中

休息中

去安娜餐廳食晚餐！好中意香港舊式西餐廳，個裝修好正，好懷舊。依家越來越少，要好好珍惜。我媽咪話佢以前拍拖都喺安娜餐廳🤣係安娜食飯真係要快，好多時湯都未飲完塊扒就到咗。有時多人要搭枱嘅時候真係冇位擺，所以成日食到都倒瀉籮蟹。哈哈！今次我地叫咗個鐵板牛柳餐，配牛油多士，餐湯同埋嘢飲。牛柳我地都叫咗七成，冇咩雪味，肉質都算嫩，加上好香嘅蒜蓉汁，好味！不過我真係好怕啲薯條俾啲汁整到濕晒同淋晒，係塊扒下面嗰啲我通常第一時間撩出嚟食先，不過有時都係救唔到🤣