影片
更多
2020-01-30
352 瀏覽
一直都俾李好味隻龍蝦所吸引，吸睛系列🤩餐廳以港式懷舊為主題，樓下係酒吧，樓上係餐廳，格調唔錯👌🏻睇餐牌需要啲時間消化，都係玩食字咁，大慨都估到大，估唔到就睇英文啦😂 🍺Yau Pale Ale: HKD68🍺Peroni: HKD68兩個人點咗支港式同意式手工啤酒，港式嘅Yau Pale Ale ，入口帶少少苦澀同有陣水果香，而意式嘅Peroni入口清香，口感好細緻，一啲都似啤酒！好幾飲👅脷疊脷: HKD138點來當餐前小食嘅脷疊脷，薄薄嘅牛脷大慨有7-8塊，味道濃不錯但有點失望因為係凍嘅！牛脷底其實有醋漬青瓜加滷肉碎，份量不多但味道不錯！🦞李小龍蝦: HKD208相信好多人嚟都有點依個李小龍蝦！平時好少點波士頓龍蝦食因爲覺得好唔值，不過今次都係忍唔住！龍蝦其實一早起晒肉，上面舖滿好多炸蒜碎，龍蝦下面係好濃嘅蒜蓉黑椒汁，配龍蝦肉好夾！不過個炸饅頭同忌廉有啲無厘頭，龍蝦濃但忌廉甜，係兩個世界嘅朋友！不過饅頭炸得幾香脆👌🏻🍲八仙過海: HKD268八仙過海其實係海鮮煲仔飯！海鮮好足料！有蜆，蝦，魷魚，八爪魚，魚等等，海鮮份量頗多而且樣樣都好好味！特別一讚個魚真係好滑好正！飯係有味飯味道好濃
餐廳以港式懷舊為主題，樓下係酒吧，樓上係餐廳，格調唔錯👌🏻
睇餐牌需要啲時間消化，都係玩食字咁，大慨都估到大，估唔到就睇英文啦😂
🍺Yau Pale Ale: HKD68
🍺Peroni: HKD68
兩個人點咗支港式同意式手工啤酒，港式嘅Yau Pale Ale ，入口帶少少苦澀同有陣水果香，而意式嘅Peroni入口清香，口感好細緻，一啲都似啤酒！好幾飲
👅脷疊脷: HKD138
點來當餐前小食嘅脷疊脷，薄薄嘅牛脷大慨有7-8塊，味道濃不錯但有點失望因為係凍嘅！牛脷底其實有醋漬青瓜加滷肉碎，份量不多但味道不錯！
🦞李小龍蝦: HKD208
相信好多人嚟都有點依個李小龍蝦！平時好少點波士頓龍蝦食因爲覺得好唔值，不過今次都係忍唔住！龍蝦其實一早起晒肉，上面舖滿好多炸蒜碎，龍蝦下面係好濃嘅蒜蓉黑椒汁，配龍蝦肉好夾！不過個炸饅頭同忌廉有啲無厘頭，龍蝦濃但忌廉甜，係兩個世界嘅朋友！不過饅頭炸得幾香脆👌🏻
🍲八仙過海: HKD268
八仙過海其實係海鮮煲仔飯！海鮮好足料！有蜆，蝦，魷魚，八爪魚，魚等等，海鮮份量頗多而且樣樣都好好味！特別一讚個魚真係好滑好正！飯係有味飯味道好濃，好似食西班牙海鮮飯嘅味道，成個飯好惹味香口！但食到尾的確有點渴，不過都藉得一試！
整體感覺新鮮感幾好，食物質素唔錯，好有自己風格！唔算好飽價錢的確有少少偏貴，但不妨一試！
張貼
