羅麥記 (V City) (已結業)

之前經過羅麥記，灰熊見到說裝修好有特色，終於今天有空帶他過來晚餐。店內的裝修環境是老香港，相信上一代的人在這能找到兒時回憶，我們較年輕的，則覺得這裡環境氣氛好特別。雪糕紅豆冰$38雲尼拿雪糕不算大球，冰量頗多，底下的紅豆煮得頗融，有點暖暖的，撈均有點喝到煉奶的味道，不算太濃，但整體幾順口。羅麥雞翼$53瑞士汁甜甜地，煮到好入味，煮雞翼除左個味要夠之外，最緊要就係唔好煮得過火，肉質要保持嫩滑，呢個雞翼便做到了。蝦多士$58果然名不虛傳，多士非常鬆軟，咬開見到有一半是蝦，好足料，蝦肉彈牙爽口，蝦味出奇的香濃！仲可以配埋好似魚柳包果隻酸沙律醬一齊食，諗起都回味！麥sir乳鴿仔$55新鮮熱辣做起的，皮香脆，肉質不粗糙，但未算好嫩滑，肉頗多，不會太細隻，蠻實在的。