芝心糖人街 (已結業)

去完朋友屋企玩, 諗住響附近食埋糖水做宵夜, 見呢間夜媽媽仲燈火通明, 地方寬落, 啱晒我地成班嘩鬼.睇完餐牌, 有懷舊糖水, 有涼粉, 有西米, 黑糯米系列, 唔鍾意水野, 仲有雪糕, 班戟之類.細個果陣亞媽成日響街市買舊涼粉返黎做甜品, 長大成人都已經好少食, 今晚一於懷舊下要個<西瓜涼粉>$30. 份量好足, D涼粉同西瓜多到爆出黎, 西瓜新鮮爽甜, 食落起沙, 涼粉質感韌韌地. 而糖水底係花奶, 唔會太甜, 入口夠香滑.仲有同朋友share<鹽酥雞>$30, 件數都唔少, 炸得夠香口夠脆, 乾身唔油膩. 肉質幾滑唔鞋, 肉汁鎖死響雞肉入面, 仲有甜酸醬可以調味.