蘭芳園

營業中

休息中

自從開始係尖沙咀番工後，都無機會去中環蘭芳園食早餐/午餐。經朋友提醒，先知道原來尖沙咀重慶大廈有一間分店。我地即刻二話不說，今日放lunch去試試。食午餐人數比我想像中少，唔洗點等就有得入座，坐我地附近嘅居然遊客多過上班一族，有趣有趣！食蘭芳園，必點奶油豬。一咬下均勻搽滿牛油同煉奶嘅豬仔包，發出脆脆嘅聲音——好幸福嘅配搭🤤另外，仲叫左雞翼喇沙米粉，滷汁雞翼好淋、滷汁亦好入味，但喇沙湯底則一般，無咩驚喜。