番茄18

營業中

休息中

今日係附近交文件 就同屋企人去搵地方食早餐，行經呢間番茄18見入面裝修好有香港懷舊氣息，早餐價錢又唔貴就幫襯下，要左3份早餐同3杯特飲：番茄叉燒通粉配多士同炒蛋：番茄湯底真材實料，真番茄味道，濃濃番茄味，配叉燒更好味，而家好多餐廳早餐都無叉燒揀。 配埋嫩滑炒蛋同鬆厚多士，營養十足。吉烈魚柳配炒蛋同多士：魚柳大大塊，外皮炸到夠脆，入面熱辣辣又夠嫩，肉質唔會霉，好食！同樣有配多士同炒蛋，都好夠飽。雪菜豬扒上海麵：估唔到佢豬扒咁大塊又唔韌，輕輕小煎過更惹味，雪菜味道適中，唔太咸。我地都揀左特飲：菠蘿冰（粒粒菠蘿夠晒冰凍香甜），紅豆冰（滿滿紅豆又夠蓉），紅豆奶茶（兩者配搭好夾，有奶茶香又有紅豆香甜）。呢幾杯飲品真係令人好滿足！