影片
更多
2017-09-12
2175 瀏覽
早幾日同外父外母食生日飯，黎左間酒店既中餐度食晚飯，佢地做緊個懷舊菜，有些菜式都真係好懷舊架喎，例如金錢雞啦，而家真係好少有地方有得食，見到有梗係要試試啦，外父外母聽到都話想食，個蜜餞金錢雞真係好好食，老婆仲話點解食唔到雞味既~~哈哈哈，同雞尾包無雞尾一樣，金錢雞都係無雞架，主要係用豬肉同雞肝黎整既，一啖咬落去已經充滿香味，配埋個汁真係正宗齒頰留香。第二樣就係呢個麻辣千層峰喇，我都未食過，外父一句咪豬耳囉，好多工夫架，我同老婆都鐘意食豬耳既 (成日去食米線都會叫既) 所以又係要試下到底有咩特別啦。一黎到同我想像既確係唔同，佢好似係好多好多豬耳整埋一齊咁，唔怪得叫千層峰佢有個汁配埋塊青瓜一整食，成個感覺好爽，同我地平時食豬耳完全唔同，絕對值得一試。我地仲叫左個大馬站煲，其實即係蝦醬火腩豆腐煲好香蝦醬味，而且豆腐真係好滑，熱辣辣配飯一齊食都真一流當然唔少得叫條魚食下啦，外父最鐘意食魚喇，見到有個懷舊荷香蒸皇帝老鼠班，就試下佢啦~其實同我以前食過既古法蒸魚既做法差唔多，都係有菇同肉絲鋪面一齊蒸，但係呢個特別在佢底下有塊荷葉一齊蒸，所以有陣好香既荷葉味，咁樣既配搭食條魚真係唔錯，雖然話懷舊，但
例如金錢雞啦，而家真係好少有地方有得食，見到有梗係要試試啦，外父外母聽到都話想食，
個蜜餞金錢雞真係好好食，老婆仲話點解食唔到雞味既~~哈哈哈，同雞尾包無雞尾一樣，金錢雞都係無雞架，主要係用豬肉同雞肝黎整既，一啖咬落去已經充滿香味，配埋個汁真係正宗齒頰留香。
第二樣就係呢個麻辣千層峰喇，我都未食過，外父一句咪豬耳囉，好多工夫架，
我同老婆都鐘意食豬耳既 (成日去食米線都會叫既) 所以又係要試下到底有咩特別啦。
一黎到同我想像既確係唔同，佢好似係好多好多豬耳整埋一齊咁，唔怪得叫千層峰佢有個汁配埋塊青瓜一整食，成個感覺好爽，同我地平時食豬耳完全唔同，絕對值得一試。
我地仲叫左個大馬站煲，其實即係蝦醬火腩豆腐煲
好香蝦醬味，而且豆腐真係好滑，熱辣辣配飯一齊食都真一流當然唔少得叫條魚食下啦，外父最鐘意食魚喇，見到有個懷舊荷香蒸皇帝老鼠班，就試下佢啦~
其實同我以前食過既古法蒸魚既做法差唔多，都係有菇同肉絲鋪面一齊蒸，但係呢個特別在佢底下有塊荷葉一齊蒸，所以有陣好香既荷葉味，咁樣既配搭食條魚真係唔錯，雖然話懷舊，但係食落其實覺得仲有新意。
兩老都好滿意呢餐，仲話要下次再黎食過添！
張貼
