影片
更多
2013-12-21
4415 瀏覽
先講店內既atmosphere: 入到去真係好有個種電影92家有喜事中, 黃百鳴同吳君如去個種西餐廳食飯既感覺, 好鐘意個種90年代既感覺。播緊既音樂都係個種90年代西餐廳播既靜音樂。好舒服。食物: set dinner可以話係幾抵, 但係我今次黎呢度係特登食佢既梳乎里, 而我只係同老公2個人食, 知道太平館既梳乎里好大個, 所以唔想叫兩個set dinner/main course咁多, 最後就叫左一個set dinner焗蔔汁四寶飯, 包例湯, 甜品 & coffee/tea, 再加個$128既梳乎里, 食到勁飽, 都係$3XX埋單。先講個四寶飯, 四寶裡面豬扒最好食, 我老公就鍾意塊牛利, 蝦就略嫌冇乜鮮味, 但係個sauce撈飯真係一流!梳乎里要等30分鐘, 所以食完個set dinner,等左大概10分鐘就有得食, 等既中途老侍應仲主動同我地講"個梳乎里焗緊架啦!", 真係好friendly! 好記性! 梳乎里好大個, 暖粒粒, 甜味剛剛好, 好在我地只叫左一份set dinner, 否則可能真係太飽食唔晒侍應既服務態度真係好好, 可能都係經驗老到既侍應啦, 比起現時新式餐廳
食物: set dinner可以話係幾抵, 但係我今次黎呢度係特登食佢既梳乎里, 而我只係同老公2個人食, 知道太平館既梳乎里好大個, 所以唔想叫兩個set dinner/main course咁多, 最後就叫左一個set dinner焗蔔汁四寶飯, 包例湯, 甜品 & coffee/tea, 再加個$128既梳乎里, 食到勁飽, 都係$3XX埋單。
先講個四寶飯, 四寶裡面豬扒最好食, 我老公就鍾意塊牛利, 蝦就略嫌冇乜鮮味, 但係個sauce撈飯真係一流!
梳乎里要等30分鐘, 所以食完個set dinner,等左大概10分鐘就有得食, 等既中途老侍應仲主動同我地講"個梳乎里焗緊架啦!", 真係好friendly! 好記性! 梳乎里好大個, 暖粒粒, 甜味剛剛好, 好在我地只叫左一份set dinner, 否則可能真係太飽食唔晒
侍應既服務態度真係好好, 可能都係經驗老到既侍應啦, 比起現時新式餐廳說話機械式, 服務機械式既侍應, 呢度親切好多!!
張貼
