太平館餐廳

營業中

休息中

銅鑼灣太平館，對上1次食應該係3，4年前，仲要係2個女仔，好多野都想食，不過都無叫到，今次約多幾個人，終於可以叫多幾款野食，一早預約左，餐廳預留左長car位俾我地。開始點餐，豬脾餐，瑞士牛河餐（非叫不可），乳鴿餐（無咩特別，下次可以食另外食物），瑞士汁雞翅膀（正），跟餐湯，個龍蝦湯好味，點完餐服務員好貼心問我地叫唔叫梳乎理，我地好快答“叫”，服務員幫我地安排，大約食到中間就同我地講，而家幫我地落單，因為需時，可以夾到我地食完正餐，之後食甜品。整體黎講，食物質素唔錯，服務員貼心，4個人4個餐再加梳乎理，埋單人均330，我覺得合理，話晒銅鑼灣地段，食飯無限時，係其中1個優點，我會再去食，再唔支持下香港餐廳，好快會消失。