中環茶記 (已結業)

今日夜晚係中環經過見呢間餐廳幾特別就入去試一試。見餐廳嘅裝修相當懷舊，好有以前冰室嘅感覺，係呢度食飯別有一番風味。我地就叫左一個二人餐，首先個叉燒炒蛋雖然賣相唔洗話好靚，但係味道方面真係一流，叉燒唔會太肥，而且每一舊都好大舊，至於雞蛋亦都好滑。之後豉汁蒸倉嘅豆豉送飯真係好正，加上d魚好滑，而且一d都唔腥。最後我地仲叫左一個鹹蛋黃西多士，因為係即叫即整所以要等一陣，而且個面真係好脆，一咬落去仲有鹹蛋黃汁滲出黎，好邪惡但係太好食所以要試一試。