公子茶座 (已結業)

呢度用左橙色同白色既牆加埋懷舊式既卡位⚪️🟠 呢度既燈光相當明亮, 成個感覺好舒服☺️據了解店主有好多唔同既興趣, 其中一個就係室內設計😌 同一時間店主都係一個為食既人, 對食物既質素都會有返咁上下要求, 而佢既夢想就係開一間提供到快樂同好味道既餐廳俾大家🤩 係一個機緣巧合之下, 呢間店既前店主唔做, 所以店主就決定頂左黎做去實現自己既夢想, 俾到大家可以係舒服既環境之下食到親民價既美食💭 公子冰梅骨🍖($78)甜甜地帶微微酸既冰梅骨有大概8大件, 肉質夠稔身同埋好易離骨, 啱曬我呢啲怕食骨既人🤩 另外仲配左啲開胃既醃蘿蔔同酸瓜好開胃☺️薑蔥霸皇雞(半隻)🐓($98)雖然係半隻, 但係份量都唔少, 肉質都幾滑而且唔肥, 仲有大量既蔥絲, 好食😋翠玉瓜炒雞丁🥒($68)好大碟同勁有鑊氣既一個餸, 出街食飯第一次食到咁大碟既菜, 翠玉瓜炒到爽爽地雞肉都好滑😍龍鳳檸檬雪碧🍋($22)可以揀雪碧或者可樂, 我個人比較鍾意飲雪碧, 龍鳳其實即係鹹檸, 飲落鹹鹹酸酸好醒胃, 夏天飲一流😚呢度既餸全部都好大碟, 見到有好多枱叫既其他餸都好大碟, 連飯都好大碗, 所以真係幾抵食, 餸既款式選擇又多, 黎開九