占美餅店

營業中

休息中

成日聽老人家講呢間占美餅店既菠蘿占好出色，但而家佢地覺得比起以前貴左好多所以好耐無食了，不過都格左幾廿年，而家8蚊一個又唔算貴，呢日下午時間經過呢頭，終可以買個黎試下。入到去望左好耐都唔見菠蘿占，問下店員，佢指一指，話買淨兩隻咋，我地就揀左一隻菠蘿占加一隻朱古力酥。開頭就咁睇以為外表係菠蘿包咁，入面有果占，一食落去，原來係酥皮！酥皮包住整個麵包，外圍仲保持住脆度，味道好酥香。而麵包質感軟熟綿密，濕潤，有實在感，不是空氣麵包，餡料不多不少剛剛好，不會過甜。