太平館餐廳

營業中

休息中

今次去返一間老餐館度食豉油西餐。太平館小編小學嘅時候已經會去食，今次去水準依然keep住咁好。我哋嗌左羅宋湯，瑞士汁牛河，燒乳鴿，瑞士汁雞翼同甜品梳乎利。羅宋湯聽落好似好普通嘅一碗湯，但其實係佢哋熬左好耐，每一啖都好入味。牛河份量三個人share就剛剛好，亦好足料，每啖都有肉片。燒乳鴿屬於小食，份量就唔太多，但由於小編唔太好乳鴿，所以就不予置評啦。瑞士汁雞翼一向都係佢哋嘅皇牌推介，味道同以前食嘅一樣，雞翼係雞全翼，每一隻都一樣咁大隻，真係好好味。至於甜品要等嘅時間就較耐啦，所以個侍應都建議一早叫定先。梳乎利睇落好似好大，但其實食起上嚟一陣風咁就無左嫁啦。不過蛋白甜甜哋好好食。