新樂餐廳 (已結業)

此古舊小型酒店位於佐敦，少說也起碼有四十多年歷史了。記得兒時經常和父母去呢度間酒樓飲茶，到長大後，也會間中到該處十樓的餐廳食晚飯。最近想起已很久沒去過了，所以今晚再去幫襯下，順便懷念一下往日時光。上到去，十年如一日的裝修格局，完全無變過。見到佢地依家做緊半自助餐，即係你只要order一個主菜，價錢已包括自助沙律吧，餐湯，餐飲，甜品等等，全部都係自助形式任飲任食，兼有八折優惠。主菜有多款選擇，價錢由80-140元不等。今晚與平時不同的是竟然全店幾乎爆滿，令到我想影下出面d食物都好困難，加上無帶相機，只能用部廢柴手機拍照，所以相片質素欠佳。唔知係咪因為今晚勁多人關係，主菜的起菜時間好慢，等左好耐先黎到，最失敗係d主菜上到檯已經微涼了！總括來講，兩個人埋單折實為225元，有咁多野食算係咁啦！不過下次會揀閒日先幫襯，咁多人有d怕怕！