羅富記粥麵專家 (已結業)

呢間位於中環既粥麵店，由門面到店內都保持舊式既裝修，最難得既係食物既味道同人情味都可以保持到。炸醬麵，炸醬甜甜辣辣好惹味，肉絲份量適中，麵夠爽有咬口，湯又清甜。雲吞麵，有5粒雲吞，雲吞係鋪頭自家製，人手包架，粒粒餡都有蝦有肉，非常足料，皮薄餡靚，配埋清甜既湯底，絕配。蜆介鯪魚球，鯪魚球又係自家製，大大粒即叫即炸，食得出係人手啄，爽口彈牙，唔會好似機攪鯪魚球咁又糊又粉。最重要碟蜆介汁，夠晒咸鮮味，果幾粒蜆介我都食晒，絕不浪費。店員好親切，見有小朋友，會幫你安排個風口吹唔到，同唔會俾人撞到既位，又唔會催促落單，果種真誠真係好窩心。