香江花月 (百誠大廈)

營業中

休息中

朋友想食火鍋，揀咗一間用香港繁華時光 50年代做主題既餐廳，一入到餐廳已經被懷舊百子櫃、撥盤電話等裝飾物吸引到，裝潢和氛圍經過匠心獨具設計。座位華麗寬敞，整個用餐過程非常舒適。桂花蜜用餐前先飲一杯桂花蜜潤一潤喉嚨，杯內用左一條錦鯉做裝飾，象徵吉祥、幸福，連餐具都經開精心設計。日本牛乳玫瑰鍋以楊貴妃牛奶浴作為靈感，湯底讓我驚艷，用北海道全脂牛乳製成，口感香濃滑順，再加上淡淡玫瑰香，木瓜係精粹，吸收晒牛乳嘅精華，讓人回味無窮。香江拼賣相非常精緻，將牛肉造成玫瑰花，一上枱已經令人垂涎欲滴，品嚐到安格斯肥牛、手切肥牛、牛柳粒、牛小腿、牛舌、牛白肉、牛心頂和黑柏葉等各式各樣的牛肉。每種牛肉都非常新鮮，富有獨特既口感，令人陶醉其中。七彩餃子餃子皮鮮艷嘅顏色非常吸晴，餡料包括野生松茸、粟米豬肉、蟹肉黑松露和和牛香茜等等，推介蟹肉黑松露，蟹肉嘅鮮味加上松露香氣，讓人欲罷不能。桃花緣飲品上面嘅波波好吸晴，好岩女仔打卡用，入面仲飲到滑嘟嘟既自家製桃肉啫喱，細緻軟綿既新鮮日本桃肉，層次感豐富。異世界用左奇異果同埋蘆薈汁調製，口感清新爽口之類，仲有美白作用。