老馮茶居 (大棠路)

同屋企人去咗元朗老馮茶居飲茶，屋企人最鐘意懷舊feel，一坐低見到啲環境同公雞碗碟就會講返陳年舊事😂牛肉腸啲腸粉皮都算ok，唔系好厚，凍咗食都無變硬，牛肉幾香芫茜味。古法千層糕就一般般，雖然重蛋黃味，仲食到啲蛋黃粒，但整個質感太淋，食落去一pat 野咁…燒賣幾好，從貌相睇有大大隻蝦，食落去又唔會太多肥豬肉，入面個餡都有蝦！沙嗲金錢肚幾重沙嗲味，蒸得入味同腍，底下有2-3件豆卜墊底。四寶滑雞扎有豬肚，冬菇，滑雞件、豬皮，幾大件，都ok。整體食物有好有唔好，各一半，勝在環境吸引。