會所1號 大舞臺

營業中

休息中

一年都會去一兩次大舞臺呢度參加飲宴，個人都幾鍾意佢個場，裝修唔錯，幾有feel，唔洗點樣整佈置都已經好靚，尤其是個台，正！ 今日黎就唔係飲宴啦，係約左兩老飲茶食宴，同佢地去下唔同既地方，唔洗次次都樓下間酒樓。 佢地黎到已經幾鍾意呢度，話好靚，擺酒唔錯！哈哈！ 講返食物先，我地三個人，所以唔係叫左好多。 首先，佢會上個餐前小食，用個架上，幾精緻。有車里茄、腰果同蜆肉等。幾鍾意食個蜆肉，醃左，咸咸地，如果有酒，送酒一流。懷舊點心佢menu上面有一部分係懷舊點心，有臘腸卷、芝麻卷、紙包雞、鮮竹卷、古法馬拉糕同鵪鶉燒賣等。有啲依家係出面酒樓都未必食到，尤其是芝麻卷，巧功夫，唔係度度有！黑椒爽肚尖而我地就叫左黑椒爽肚尖！好耐無食過爽肚啦！之前有食過啲好梗，好難咬開，或有陣味。但呢個爽肚厚身，好爽口，一咬就開！有微微既黑椒味，味道調校得剛好，唔錯！四寶雞扎幾大舊，有雞肉、蟹柳、棉花同火腿。雞肉好滑，幾入味。平時食既棉花都會吸晒好多油，呢個相對上少，唔錯！ 福建炒飯碟大之餘份量都好多！有好多料，如蝦、菇、雜菜同雞粒等。個飯先炒，面頭淋醬，雖然醬汁多，但唔會好咸，撈飯食剛好！ 脆皮燒腩仔例牌一碟份量