Le Steak Specialiste (已結業)

入到餐廳有種懷舊扒房嘅感覺，燈光暗暗地，餐枱舖上枱布，啡色嘅木櫈，就好似返番細個去扒房据扒咁。美國安格斯牛漢堡三文治 $128安格斯漢堡外面煎香過，內裡保持到肉汁，咬感嫩滑，再加上芝士、蕃茄、生菜一齊食，相當唔錯。納米慢煮超厚切豬扒 $99豬扒夠哂厚，好容易就切開，食落都好彈牙，同有豬香。豬扒用上黑椒、鹽等調味糙簡單調汁，再配上黑辣汁一齊食，好味。香草燒草飼牛肉眼 $159牛扒叫咗5乘熟，切落已經覺得好腍，食落好有牛肉味，再加上香草、黑椒等調味，已經好好食。大明蝦酥盒 $49蝦相當彈牙，酥盒好鬆脆，盒裡有蘿蔔、西蘭花、冬菇等等材料。作為飯前小食都幾開胃。