影片
更多
2013-11-17
656 瀏覽
出身於無電腦, 無INTERNET年代既我, 百分百係飲TBB奶水大 (荼毒)。各位七八十後, 仲記唔記得TBB《香港八X》系列呢? 唔記得?! 咁牛頭角順嫂同「銀禧小食店」呢??《香港八X》- 銀禧小食店: http://www.youtube.com/watch?v=m4jx2fnHL4g 估唔到响大坑東遇到濃濃80年代味道既快餐店, 唔同一般 "扮" 懷舊既食肆, 水手快餐店內籠同員工服務 都係80年代TONE, 極CULT極正斗!!!收銀仲係用叮叮機 (唔係大X樂電腦MON), 收銀阿姐氣場極強, 行到去, 好似小學雞咁, 突然恭敬起來 (其實阿姐極NICE) 。你一口氣叫幾個餐, 阿姐好快手响張小小單上寫兩筆 (你一定唔知寫乜), 水吧就明晒。水吧有支咪, 但水吧哥哥根本無用, 啲嘢一到, 老遠都聽到 "大AL"tone :阿哥, 炒飯, 攞嘢 / 阿姐, 雞脾, 攞嘢。絕對市井, 沒多餘既多謝/ 唔該/ 慢慢食, 完全80年代精神, 我極BUY!所有枱不設調味架, 要糖/ 鹽/ 豉油, 唔該自己行去水吧, 一大盆等你攞到唔攞 (SORRY, 不設小包調味料) 。黃色椅, 極
各位七八十後, 仲記唔記得TBB《香港八X》系列呢? 唔記得?! 咁牛頭角順嫂同「銀禧小食店」呢??
《香港八X》- 銀禧小食店: http://www.youtube.com/watch?v=m4jx2fnHL4g
估唔到响大坑東遇到濃濃80年代味道既快餐店, 唔同一般 "扮" 懷舊既食肆, 水手快餐店內籠同員工服務 都係80年代TONE, 極CULT極正斗!!!
收銀仲係用叮叮機 (唔係大X樂電腦MON), 收銀阿姐氣場極強, 行到去, 好似小學雞咁, 突然恭敬起來 (其實阿姐極NICE) 。你一口氣叫幾個餐, 阿姐好快手响張小小單上寫兩筆 (你一定唔知寫乜), 水吧就明晒。
水吧有支咪, 但水吧哥哥根本無用, 啲嘢一到, 老遠都聽到 "大AL"tone :阿哥, 炒飯, 攞嘢 / 阿姐, 雞脾, 攞嘢。絕對市井, 沒多餘既多謝/ 唔該/ 慢慢食, 完全80年代精神, 我極BUY!所有枱不設調味架, 要糖/ 鹽/ 豉油, 唔該自己行去水吧, 一大盆等你攞到唔攞 (SORRY, 不設小包調味料) 。
黃色椅, 極有大家樂80年代味。
唔同大XX快餐店, 餐牌不設按圖索引, 咁樣叫嘢食, 永遠有驚喜!!!
下午茶餐: 黑椒牛扒切絲炒烏冬 ($24)大碟到叫午餐都到, 叫"牛扒切絲"太謙了, 其實可以叫 "牛柳/ 塊"。
鑊氣足, 汁多, 濃味怪至愛!!!
下午茶餐: 炸雞肶薯條 ($22)雞肶有點乾, 都係叫炒嘢好啲
下午茶都34款(仲未計常餐/ 特餐), 這情況只會出現响人情味小店, 各大企真係啋你都傻。
題外話/補充資料：
炒嘢有鑊氣, 但响呢到食, 重點係食80年代FEEL
(以上食評乃用戶個人意見 , 並不代表OpenRice之觀點。)
張貼
