影片
更多
2018-11-16
5646 瀏覽
懷舊場景餐廳近年十分流行，很多茶餐廳、冰室，甚至火鍋店都大玩這種主題。上個月同閨蜜去港島太平洋酒店「中西．環」食 Afternoon Tea Buffet，留意到餐廳最近推出咗以懷舊為主題嘅「棋」趣大笪地海鮮自助晚餐。「大笪地」向來被稱為「平民夜總會」，以熟食大牌檔及販賣具地方特色嘅物品而聞名，只可惜「大笪地」早已經曲終人散，變成大眾集體回憶的一部分，所以趁今次餐廳將昔日上環大笪地的風貌重現，決定來回味一下。到埗後，先在場內走一轉，餐廳入面有唔少懷舊裝飾，例如藤籃、暖水壺、搪瓷漱口杯等等，再加上角落嘅懷舊小食攤檔，真的令人有穿越時光隧道，重拾遺忘已久的老香港情懷感覺！每次食自助餐都鍾意由海鮮區開始，今次當然也不例外。單係冰鎮海鮮就已經有成 8 款，排列得非常整齊，包括有波士頓龍蝦、鱈場蟹腳、挪威麵包蟹、龍蝦鉗、紐西蘭高級青口、大蝦、翡翠螺、蜆隻等。最正就係原隻波士頓龍蝦，唔單止 size 夠大隻、有肉地，而且膏量亦澎湃甘香。另外蟹腳味道亦唔錯，粗身多肉，微微鹹鮮，絕對值得一試。Salad Bar 嘅沙律菜非常爽脆，而配料方面就有西蘭花、車厘茄、青瓜同甘筍等，吃時可混入少許沙律汁，味道倍
懷舊場景餐廳近年十分流行，很多茶餐廳、冰室，甚至火鍋店都大玩這種主題。上個月同閨蜜去港島太平洋酒店「中西．環」食 Afternoon Tea Buffet，留意到餐廳最近推出咗以懷舊為主題嘅「棋」趣大笪地海鮮自助晚餐。「大笪地」向來被稱為「平民夜總會」，以熟食大牌檔及販賣具地方特色嘅物品而聞名，只可惜「大笪地」早已經曲終人散，變成大眾集體回憶的一部分，所以趁今次餐廳將昔日上環大笪地的風貌重現，決定來回味一下。
到埗後，先在場內走一轉，餐廳入面有唔少懷舊裝飾，例如藤籃、暖水壺、搪瓷漱口杯等等，再加上角落嘅懷舊小食攤檔，真的令人有穿越時光隧道，重拾遺忘已久的老香港情懷感覺！
每次食自助餐都鍾意由海鮮區開始，今次當然也不例外。單係冰鎮海鮮就已經有成 8 款，排列得非常整齊，包括有波士頓龍蝦、鱈場蟹腳、挪威麵包蟹、龍蝦鉗、紐西蘭高級青口、大蝦、翡翠螺、蜆隻等。最正就係原隻波士頓龍蝦，唔單止 size 夠大隻、有肉地，而且膏量亦澎湃甘香。另外蟹腳味道亦唔錯，粗身多肉，微微鹹鮮，絕對值得一試。
Salad Bar 嘅沙律菜非常爽脆，而配料方面就有西蘭花、車厘茄、青瓜同甘筍等，吃時可混入少許沙律汁，味道倍添清新。如果唔想自己組合，也可以試下擺喺前排預製嘅通粉沙律、粟米粒等。而個人最喜歡，就係放喺中間嘅凍雞絲麻醬拉麵，麵條肥嘟嘟，具咬口，入口爽韌冰涼，加埋拌菜同醬料吃，別有一番滋味。
至於冷盤方面，其實選擇唔多，只有巴馬火腿、煙鴨胸、花雕豬手凍肉批同雜錦凍肉等。幾款凍肉味道都唔錯，就算空口食都唔會覺得太鹹。不過講到最鍾意，還是創意十足嘅花雕豬手凍肉批，賣相非常精美，不但外表晶瑩剔透，而且食落有咬口之餘，仲夠曬爽彈。 
輪到吃刺身和壽司，刺身有三文魚、吞拿魚、希靈魚、油甘同八爪魚，另外亦有兩款壽司卷。三文魚油潤肥美、吞拿魚味道甘甜、而八爪魚亦鮮味十足，食落煙韌有咬口。
食完咁多生冷野，就輪到吃熱食。湯品共有兩款，一中一西，包括有懷舊碗仔羹同南瓜湯。碗仔羹用料十足，除了有爽口嘅木耳絲同冬菇絲外，仲有肉質滑嫩唔起渣嘅肉絲、軟腍嘅粉絲等。湯底同材料嘅比例亦配合得恰到好處，濃得嚟又唔會煮到一舊舊，味道自然。
熱盤方面，先主攻幾款大笪地懷舊美食，包括有薑蔥炒龍蝦鉗、椒鹽瀨尿蝦、豉椒炒蜆、蜜汁火焰叉燒、明爐燒鴨、即製海鮮戲棚粥、港式臘味糯米飯。龍蝦鉗肉質厚實、口感彈牙，加上用薑蔥爆炒，特別惹味。大廚非常細心，上桌前已經將蝦鉗外殼拍碎，既方客人享用又能使蝦肉沾上醬汁。
瀨尿蝦炸至外層脆卜卜，幾乎連殼都可以食埋，而入面嘅蝦肉亦非常 juicy，一啲都唔老，肉質鮮甜！豉椒炒蜆十分多肉，吃下去非常惹味，完全無沙。
火焰叉燒亦很有水準，用上軟腍的脢頭肉來炮製，質感非常鬆軟，食落不但唔黐牙、唔嚡口，而且半肥瘦的感覺藏於肉間，甘香嫩滑又不肥膩。叉燒喺碟上仍不斷吐出藍焰，視覺效果一流。至於旁邊的明爐燒鴨，味道亦不俗，外皮酥脆，入口油潤不肥。
「戲棚粥」係香港懷舊地道美食之一，以前多數喺戲棚附近供應，難得呢度有得食，當然唔可以走寳。大家可以自選喜歡的海鮮及配料，如蟹、蝦、沙白、藍青口、潮州魚片、土魷等，廚師會以生滾方式即場炮製，入口熱辣辣，粥底軟綿香甜，食完真係暖到入心。
另外放喺蒸籠入面的港式臘味糯米飯亦絕對唔可以錯過，用料好豐富，有臘腸、膶腸、臘肉同蛋絲等。臘腸柔韌軟綿、膶腸甘香滋味，而臘肉亦甚具嚼勁，配埋煙韌分明的糯米飯一齊食，既美味又暖胃。
至於其他熱盤就仲有生薑紅酒燴牛尾、蒸魚、意大利芝士雲吞配牛肝菌芝士忌廉、美式醬燒豬仔脾、秘製豬腳薑、意式扒雜菜、酥炸蒜香魷魚、意式薄餅、清炒時菜、德國鹹豬手、燒西冷等。要特別推介當中嘅牛尾同西冷，牛尾肉質很有彈性，加上連著一節節骨頭，所以食落牛味更濃。西冷鬆軟有肉汁，牛魔一定會吃得十分滿足。
另外凡惠顧的食客，每位均可免費獲贈一份「黑松露蟹肉焗響螺」。響螺新鮮焗製，螺殼入面釀滿了豬肉碎、蟹肉絲同螺肉；螺粒充滿嚼勁，與肉碎同吃，咬感十足，加上香氣撲鼻嘅黑松露，相當搶口，令人食指大動！
又嚟到甜品時間，先講下幾款以「棋」做賣點嘅甜品，包括有色彩繽紛的飛行棋馬卡龍、波子棋造型士多啤梨慕絲蛋糕及中國象棋造型白朱古力慕絲蛋糕。大廚先將馬卡龍製成紅、藍、黃、綠四色棋子，然後放喺飛行棋造型糖紙上，像真度極高，非常過癮，當然要相機食先。另外波子棋造型蛋糕亦非常吸睛，廚師喺海綿蛋糕面鋪上一層士多啤梨慕絲果蓉，並以白朱古力製成棋盤，再於每個角落分別放上朱古力棋子，造型活靈活現，栩栩如生，令人捨不得將蛋糕吃掉！
至於其他甜品就仲有鮮果撻、益力多草莓布甸、栗子千層蛋糕、藍莓芝士餅、意式奶凍、麵包牛油布甸、法式焦糖燉蛋、傳統砵仔糕、冰脆龍鬚糖、彩虹糯米糍、芝麻糊、豆腐花、港式雞蛋仔、蛋散、棉花糖等。唔少得嘅當然仲有每次必吃的 Häagen-Dazs 雪糕，連食兩杯，實在非常滿足。順帶一提：「棋」趣大笪地海鮮自助晚餐
供應日期：即日至31/12/2018
供應時間：6:15pm-9:30pm
價錢：星期日至四 成人$428，小童 (3至11歲) $298，長者 (65歲或以上) $298
星期五六、公眾假期及前夕 成人 $468，小童 (3至11歲)）$338，長者 (65歲或以上) $338，而網上付款更可享高達 7 折優惠。
張貼
