影片
更多
2013-02-17
212 瀏覽
原本冇諗過食呢間, 但想食果間又冇位, 唯有周圍行, 睇下有乜好食, 但老公一定要飲茶, 所以目標一定係茶記........沿住大榮華一路行去投注站, 都有1-2間茶記, 但好似唔好太吸引, 所以又周圍望, 見到對面有2間茶記, 過咗馬路, 諗緊食邊間好, 因為2間都好似差不多, 又係隔間, 價錢就應該唔會相差太遠, 但見到呢間有卡位, 雖然卡位唔係梳化, 都係木版, 不過都係鍾意卡位, 所以決定呢間..............一入到去就聞到勁香咖啡味, 可惜我唔飲咖啡呢~~由於浪費咗幾個字去搵食, 不知不覺已經兩點半, 即刻問亞姐有茶餐未? 佢望一望個鐘, 雖然冇答我, 但佢即刻搵個下午茶餐牌比我, 唔知呢d service係好定唔好呢? 等咗一陣, 好快有飲品上, 可以嘆住等........... 凍奶茶 好濃茶味, 茶同奶的比例好夾, 而且唔會太甜, 好耐冇飲過咁正的奶茶~~ 熱朱古力雖然呢個只係用朱古力粉沖出嚟, 但唔夠濃味, 即係落唔夠朱古力粉............差不多飲咗半杯嘢, 再望望個鐘, 落咗單十分鐘有多, 仲未有, 老公竟然話, 咁咪即係代表即炒lor~~ 唔係
由於浪費咗幾個字去搵食, 不知不覺已經兩點半, 即刻問亞姐有茶餐未? 佢望一望個鐘, 雖然冇答我, 但佢即刻搵個下午茶餐牌比我, 唔知呢d service係好定唔好呢?
等咗一陣, 好快有飲品上, 可以嘆住等...........
凍奶茶
好濃茶味, 茶同奶的比例好夾, 而且唔會太甜, 好耐冇飲過咁正的奶茶~~
熱朱古力雖然呢個只係用朱古力粉沖出嚟, 但唔夠濃味, 即係落唔夠朱古力粉............
差不多飲咗半杯嘢, 再望望個鐘, 落咗單十分鐘有多, 仲未有, 老公竟然話, 咁咪即係代表即炒lor~~ 唔係嘛, 即炒都唔駛十分鐘啦~~~ 最終等多5分鐘先嚟碟炒河, 到碟炒河食咗一半先嚟埋個炒飯, 真係由餓等到唔餓lu~~~
干炒肉片河
河粉係一大舊一大舊黏住, 唔係散開, 而且好油, 不過味道唔係太濃, 聞落唔覺好有鑊氣, 但見到好多黑色鑊撈................生炒雞絲飯
唔係雞絲, 係雞件, 全部大大舊, 冇見到有1條雞絲, 飯就炒得幾乾身, 而且差不多粒粒飯都散開, 味道又唔會太重, OK~唔知係咪D "佬" 好鍾意呢D茶記, 因為9成食客都係 "佬", 如果我一個女仔自己係唔敢入嚟食lor~~~
張貼
