一生懸麵 (荃灣千色匯I) (已結業)

朋友仔帶筆者過嚟食特式拉麵，他問: 在荃灣千色滙，吃過雪糕拉麵未？唔使諗食乜，反正未試過，一於開心食碗麵⋯⋯柚子雪糕拉麵$98~端上枱熱騰騰，驟眼看以為造得像”雪糕”一樣的豆腐類別項目⋯⋯於是筆者照介紹的指示步驟:1)先渴一口湯: 湯底味濃夠熱，第一印象相當唔錯。2)再吃一口雪糕，嘩！原來真係一杯柚子雪糕筒嚟！冰凍的，酸酸甜甜，一整杯正常Size嘅雪糕筒，成杯”車”落碗湯麵，都咪話唔過癮！咁都比食店諗到，真係有創意。3)將雪糕撈入湯中，試試兩者混合味的味道。(酸、甜、香、滑)筆者一邊吃，一邊看著指示步驟吃著⋯⋯老實說，柚子雪糕嘅酸甜，明顯地中和拉麵的肥膩感覺，一讚。4)再食麵，將火焰叉燒和柚子胡椒一齊食。火焰义燒夠肥夠滑溜，正合筆者心意。5)雪糕筒被湯浸後，會有腐皮的口感。筆者照著指示，浸腍後，一口咬落，可能太期待係腐皮味，冇腐皮味喎！再睇真啲🔍原來是似腐皮的”口感” 。整體來說:夠創新，無論湯底、拉麵質感，都比想像中好，能夠中和拉麵的肥膩感覺。未知是否本地創作，但如果被日本人看見香港有如此創作力，未知他們有何感想？是次體驗一樂也。