公主 (已結業)

公主café個餐廳名同裝修雖然同女仔好夾，但係食物方面男女仔都非常適合。二人晚餐，先有椰菜花沙津、蘆筍沙津，清新嘅選材，簡潔嘅擺碟方式，幾令我地喜愛。接著有白酒忌廉青口、三文魚他他雪糕筒，前者青口飽滿、無雜質，而三文魚他他鮮味十足，蟹籽跟三文魚配搭一流!蘑茹湯用上別緻嘅杯盛上，加上少量忌廉，味道濃郁，入口順滑。主菜分別有香煎鱸魚及M9和牛，前者煎得魚皮香脆，而鱸魚魚肉白晢結實; 而和牛煎得粉嫩，保存著嫩口軟滑嘅口感。最後有冧酒朱古力及芝士乳酪嘅草莓仙子作甜品，微酸嘅味道，有助消化。