八寶清湯腩

營業中

休息中

小弟見識少，呢間係我人生暫時食過最好食嘅清湯腩麵。平日七點幾去到唔洗排隊直入，啲枱唔算好迫，都坐得幾舒服。坐低嗌左個清湯蘿蔔牛腩麵$63，另外仲有崩沙腩，坑腩等唔同腩位選擇。同朋友吹左幾句水，等左兩，三分鐘就有野食。先講湯底，本身唔知佢係藥饍湯底，一入口好清甜，帶少少當歸味，驚喜地好飲。牛腩煮到好淋好軟同時又唔會散，而且有好多片唔孤寒，不過同行友人話略嫌無牛味。蘿蔔無渣又入味。成碗麵份量足夠，正常成年人唔會唔夠食。不過侍應哥哥態度有少少差，餐牌餐具就咁放（掉）落枱面唔講嘢就走左去，我覺得可以溫柔少少。今時今日香港$63食碗麵已經唔算好貴，唔洗餐餐洗幾百幾千蚊食好嘢，簡簡單單一餐呢個價錢食到呢個質素真係已經好滿足。