大澳德發 (已結業)

今日第一次嚟食lunch，見到menu紅豆冰只係加三蚊，同凍飲同價，就諗住試下，點知就飲左成世人飲過最垃圾嘅紅豆冰⋯⋯等咗一陣杯紅豆冰就嚟咗，我一見到就心知不妙，因為佢跟嘅係普通嘅幼飲管。相信有常識嘅人都知道，飲紅豆冰一定要用粗飲管，因為幼飲管會俾紅豆塞住飲唔到⋯⋯我問侍應有無幼飲管，佢話無！唯有照飲啦，飲咗一啖已經飽受驚嚇，因為杯紅豆冰係熱㗎！係熱㗎！我無奈之餘諗著攪吓佢，睇吓溝勻啲冰會唔會變番凍，點知唔夠兩分鐘所有冰已經溶哂，成杯嘢變咗暖紅豆椰奶⋯⋯就係咁，加咗三蚊嘅紅豆冰我只係飲咗兩啖就無飲。究竟無冰嘅紅豆冰仲算唔算係紅豆冰呢⋯⋯好心唔識整紅豆冰就唔好寫落menu，等我嗌番啲正常嘢飲無咁嬲！食物叫咗番茄湯烏冬、金菇肥牛跟蒜蓉包，味道正常。