漢年茶餐廳

營業中

休息中

本身茶餐廳就冇乜嘢好需要介紹嘅, 但係呢一間咁舊式嘅茶餐廳, 佢本身就出名食雞飯, 但就唔係我杯茶, 我每次嚟親都係食椒鹽豬扒飯炒底, 今次亦都唔例外, 今次係特登冇食早餐嘅情況底下嚟食嘅, 原因係佢嘅份量真係好大, 我次次都食唔曬今次好想挑戰成功, 所以我就連早餐都冇食直接就嚟食咗呢啲飯, 嚴格嚟講我都叫挑戰成功嘅, 食淨一兩啖飯啫。佢嘅椒鹽豬扒份量真係可以share兩個人食 , 如果兩個女仔嚟食我建議兩個人嗌一碟飯, 在叫一碟菜。而呢個椒鹽豬扒飯炒底佢嘅椒鹽就唔係乾到不得了嘅係有少少汁嘅感覺, 總之就係好好食啦